చిట్టి ఉండ్రాళ్లు పగలకుండా ఎలా చేయాలి? | Chitti Undrallu Recipe

Affiliate Disclosure: ఈ articleలో Amazon affiliate links ఉన్నాయి. వాటి ద్వారా మీరు కొనుగోలు చేస్తే మాకు చిన్న commission రావచ్చు.
As an Amazon Associate I earn from qualifying purchases.

Chitti Undrallu Recipe – వినాయక చవితికి చేసే సంప్రదాయ వంటల్లో చిట్టి ఉండ్రాళ్లు ఒకటి. బియ్యం రవ్వ, శనగపప్పుతో తయారయ్యే ఈ ఉండ్రాళ్లను చిన్నగా చేసుకోవచ్చు. అదే పద్ధతిలో కొంచెం పెద్ద సైజులో కుడుములు కూడా తయారు చేసుకోవచ్చు.

ఉండ్రాళ్లు పగలకుండా రావడానికి నా పద్ధతిలో ముఖ్యమైన విషయం: బియ్యాన్ని రవ్వగా చేసుకున్నప్పుడు వచ్చిన మెత్తటి బియ్యం పిండిని పూర్తిగా జల్లించి తీసేయకూడదు. రవ్వతో పాటు కొద్దిగా పిండి కూడా ఉంటే ఉండ్రాళ్లు ఆకారంలో ఉండటానికి సహాయపడుతుంది.

Jump to Ingredients | Jump to Method | Jump to Tips

కావలసిన పదార్థాలు

• బియ్యం రవ్వ: 1 కప్పు
• శనగపప్పు: 2 స్పూన్లు
• నీళ్లు: 2 కప్పులు
• జీలకర్ర: ½ స్పూన్
• ఉప్పు: సరిపడా
• నెయ్యి: ఉండ్రాళ్లు చేసేటప్పుడు చేతులకు రాసుకోవడానికి కొద్దిగా

చిట్టి ఉండ్రాళ్లు తయారీ విధానం |Chitti Undrallu Recipe

1. శనగపప్పు సిద్ధం చేసుకోవడం

ముందుగా శనగపప్పును శుభ్రంగా కడిగి సుమారు 2 గంటలు నానబెట్టుకోవాలి. ఇలా నానబెట్టిన పప్పు తర్వాత ఉడికించడానికి సులభంగా ఉంటుంది.

2. ఇంట్లో బియ్యం రవ్వ తయారు చేసుకోవడం

ఇంట్లోనే బియ్యం రవ్వ చేసుకోవాలంటే ముందుగా బియ్యాన్ని కడిగి సుమారు 6 గంటలు నానబెట్టుకోవాలి.

తర్వాత నీటిని పూర్తిగా వంపేసి, శుభ్రమైన క్లాత్ మీద పరిచి సుమారు అరగంట ఆరబెట్టాలి.

ఆరిన బియ్యాన్ని మిక్సీ(affiliate links)లో వేసి రవ్వలా చేసుకోవాలి. పూర్తిగా మెత్తని పిండిగా కాకుండా రవ్వలా ఉండాలి. అందులో వచ్చిన కొద్దిపాటి మెత్తటి పిండిని కూడా రవ్వలోనే ఉంచుకోవాలి. ఆ పిండి ఉండటం వల్ల ఉండ్రాళ్లు చేసేటప్పుడు అవి పగలకుండా చక్కగా రావడానికి సహాయపడుతుంది.

షాపులో కొన్న బియ్యం రవ్వ ఉపయోగిస్తుంటే, దానిని మిక్సీలో కొద్దిగా fineగా grind చేసుకోవచ్చు.

ఈ రెసిపీలో బియ్యం రవ్వను ముందుగా వేయించి పెట్టుకుని ఉపయోగించాను.

3. బియ్యం రవ్వ ఉడికించడం

ఒక గిన్నెను స్టవ్ మీద పెట్టి 2 కప్పుల నీళ్లు పోయాలి.

అందులో నానబెట్టుకున్న శనగపప్పు, జీలకర్ర, సరిపడా ఉప్పు వేసి పప్పు ఉడికే వరకు ఉంచాలి.

శనగపప్పు ఉడికిన తర్వాత 1 కప్పు వేయించిన బియ్యం రవ్వ వేసి బాగా కలపాలి.

స్టవ్‌ను సిమ్‌లో పెట్టి, మూత పెట్టి రవ్వ చక్కగా ఉడికే వరకు ఉంచాలి.

రవ్వ పూర్తిగా ఉడికిన తర్వాత స్టవ్ ఆఫ్ చేసి చల్లారనివ్వాలి. మిశ్రమం గోరువెచ్చగా ఉన్నప్పుడైనా, పూర్తిగా చల్లారిన తర్వాతైనా ఉండ్రాళ్లు చేసుకోవచ్చు.

4. చిట్టి ఉండ్రాళ్లు చేసుకోవడం

చేతులకు కొద్దిగా నెయ్యి రాసుకోవాలి.

ఉడికించిన రవ్వ మిశ్రమాన్ని కొద్దికొద్దిగా తీసుకుని చిన్న చిన్న ఉండ్రాళ్లుగా చేసుకోవాలి.

చేతులకు నెయ్యి రాసుకోవడం వల్ల మిశ్రమం ఎక్కువగా అతుక్కోకుండా, ఉండ్రాళ్లను గుండ్రంగా చేసుకోవడం సులభమవుతుంది.

5. ఆవిరిపై ఉడికించడం

తయారుచేసుకున్న చిట్టి ఉండ్రాళ్లను ఇడ్లీ ప్లేట్ లేదా స్టీమర్ ప్లేట్‌లో అమర్చుకోవాలి.

ఇడ్లీ కుక్కర్‌లో (affiliate links)పెట్టి, high flame మీద సుమారు 5 నిమిషాలు steam చేయాలి. ఇది నా పద్ధతిలో చేసిన చిన్న సైజు ఉండ్రాళ్లకు ఉపయోగించిన సమయం.

ఉండ్రాళ్లు ఎక్కువ quantityలో ఉంటే multiple steamer platesలో పెట్టి ఒకదానిపై మరొకటి అమర్చుకుని కూడా steam చేసుకోవచ్చు.

తర్వాత స్టవ్ ఆఫ్ చేసి సుమారు 10 నిమిషాలు అలాగే ఉంచాలి. ఆవిరి తగ్గిన తర్వాత జాగ్రత్తగా బయటకు తీసుకోవాలి.

అంతే! మెత్తగా ఉండే చిట్టి ఉండ్రాళ్లు సిద్ధం.

చిట్టి ఉండ్రాళ్లు ఎలా సర్వ్ చేసుకోవచ్చు?

వినాయక చవితి సమయంలో నైవేద్యంగా తయారు చేసుకోవచ్చు. సాధారణ రోజుల్లో కూడా breakfastగా చేసుకోవచ్చు.

Chitti Undrallu వేడి వేడిగా అలాగే తిన్నా బాగుంటాయి. ఇష్టమైతే కొబ్బరి చట్నీతో కలిపి తినవచ్చు.

Indian Spice Soul Tips

• పాత బియ్యంతో తయారుచేసిన రవ్వను ఉపయోగిస్తుంటే నీళ్లు కొంచెం ఎక్కువ అంటే 1 కప్పు రవ్వకు 3 కప్పుల వరకు నీళ్లు వేసుకోవాలి
• ఒకేసారి ఎక్కువ ఉండ్రాళ్లు చేస్తున్నారా? స్టీమర్ ప్లేట్లలో ఉండ్రాళ్లు ఒకదానిపై మరొకటి నొక్కుకుపోకుండా అమర్చండి. ఆవిరి చేరడానికి కొద్దిగా ఖాళీ ఉంచండి.
• బియ్యం రవ్వ వేయించుకుంటే కుడుములు కమ్మగా బాగుంటాయి
• బియ్యం రవ్వను ఇంట్లో తయారుచేసేటప్పుడు పూర్తిగా మెత్తటి పిండిలా చేయకండి. కొంచెం రవ్వతో పాటు కొంచెం పిండి కూడా ఉండేలా చేసుకోవాలి. ఇలా చేసుకుంటే ఉండ్రాళ్లు తయారుచేసేటప్పుడు పగలకుండా చక్కగా వస్తాయి.
• ఉండ్రాళ్ళు చేసేటప్పుడు చేతికి కొంచెం నెయ్యి రాసుకుని చేస్తే చేతికి రవ్వ అతుక్కోకుండా ఉంటుంది అలాగే మంచి shape లో కూడా వస్తాయి.

ఈ చిట్టి ఉండ్రాళ్ల రెసిపీ మీకు నచ్చితే మీ ఇంట్లో కూడా ప్రయత్నించి చూడండి. మీరు ఎలా చేశారో, మీకు ఎలా వచ్చాయో కింద Commentsలో తెలియజేయండి.

ఈ Chitti Undrallu Recipe మీకు ఉపయోగపడితే మీ కుటుంబ సభ్యులు, స్నేహితులతో Share చేయండి.

ఇంకా Festival కోసం sweets కావాలని అంటే మన website లో ఉన్న పూర్ణం బూరెలు ఎలా చేయాలి అని పూర్తిగా ఇచ్చాను.

ఇలాంటి మరిన్ని ఇంటి రుచులు, సంప్రదాయ వంటకాలు మరియు ఉపయోగకరమైన kitchen tips కోసం Indian Spice Soulను ఫాలో అవ్వండి.

🎥 Video Recipe చూడండి

బియ్యం రవ్వను ఉడికించడం నుంచి చిన్న ఉండ్రాళ్లుగా చేసి ఆవిరిపై ఉడికించే వరకు నా వీడియోలో చూడవచ్చు. ఈ Chitti Undrallu Recipeని videoలో step by step చూడాలనుకుంటే, కింద ఉన్న YouTube video చూడండి.